"Күйөөм мени өрттөдү...". Бензиндин жалынына күйгөн келиндин баяны
Бензинге күйүп, оор абалда ооруканага түшкөн 33 жаштагы келин Каракол шаарында облустук бириктирилген ооруканада дарыланып жатат. Ага бензин чачып өрт койду деп шек саналган жарандык никедеги күйөөсү эки айга камакка алынды. Укук коргоочулардын маалыматтарына караганда Каракол шаарында үй-бүлөлүк зомбулукка кабылдым деп кайрылган аялдардын саны жылына 150дөн ашат.