"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
Энергетика министрлигинин алдындагы "Курулуп жаткан электр станциялар" дирекциясынын башчылыгына дайындалган мурдагы премьер-министр Игорь Чудинов эки күн иштебей кызматынан кол жууду. Бул дайындоого президент Садыр Жапаров каршы чыгып, энергетика министри Таалайбек Ибраевге эскертүү берди.
Жогорку Кеңеште сүттүн баасына байланыштуу маселе дагы көтөрүлдү. Парламенттин соңку жыйынында депутат Акылбек Түмөнбаев өкмөт сүттүн баасын 40 сомдон кем болбосун деген шарт каралган токтомду аткарбай жатканын айтып, келерки аптада буга байланыштуу талкуу уюштурууну сунуштады.
Жогорку Кеңештин тармактык комитети шайлоодогу үгүтчүлөрдүн санын кыскартуу жобосу каралган мыйзам долбоорун биринчи окууда колдоду. Анда талапкерлер 100гө чейин, ал эми партиялар 5 миңден ашпаган үгүтчү жалдай алат деген жобо жазылган. Азыркы мыйзамдын негизинде алардын саны алда канча көп.
Кыргызстан мусулмандар дин башкармалыгынын блогер Айнура Сагынбаева тууралуу билдирүүсү коомчулукта ар кыл пикир жаратты.
Өкмөттүн соңку жыйынында президентке караштуу Инвестициялар боюнча улуттук агенттиктин ишине айтылган сын-доомат, жетекчисине берилген эскертүү бул жааттагы талкууну жандантты.
Улуттук коопсуздук комитети (УКМК) Кыргызстан аркылуу сыртка, чет өлкөлөргө маңзат ташуу менен алектенген трансулуттук кылмыштуу топ аныкталганын, эки мүчөсү колго түшкөнүн билдирди. "Манас" бажысы менен чогуу жүргүзгөн операциянын негизинде ири өлчөмдөгү маңзат алынганын маалымдады.
Кыргызстандагы маңзатка каршы күрөш тууралуу ИИМдин Баңгизатты мыйзамсыз жүгүртүүгө каршы күрөш кызматынын өкүлү Марсел Дөөталиев "Азаттыкка" маек курду.
Кыргыз өкмөтү Жаратылыш ресурстары, экология жана техникалык көзөмөл министрлигине караштуу лицензиялоо комиссиясын жойгону жатат. Бул тууралуу президенттин администрациясынын 25-апрелдеги коллегиясында айтылды.
Кыргызстан эгемен болгондон тартып эле сот тармагын реформалоого аракет кылып келе жатат. Былтыртан тартып аймактарга Сот адилеттик үйлөрү ачыла баштаган.
Жогорку Кеңештин 17-апрелдеги жыйынында Кыргызстандын Орусиядагы элчигинин кызматкери кабылган окуяга байланыштуу маселе көтөрүлдү.
Бишкектин Биринчи Май райондук соту Бишкектин вице-мэри Максат Сазыкуловду 11-майга чейин камакка алды. Улуттук коопсуздук комитети (УКМК) ал коррупцияга шек саналып кармалганын ырастады.
Министрлер кабинетинин төрагасы Акылбек Жапаров Кыргызстанда орусиялык "Мир" банк картасын тейлөө токтотулганына өкүнүчүн билдирди.
Президент Садыр Жапаровдун иш башкармалыгынын жетекчиси Каныбек Туманбаевдин аты аталган талаштуу окуялар анын өзү тууралуу сөздөрдү дагы көбөйттү. Апта башында бийликке ыктаган "Мекенчил" партиясынын тарапташтары деп айтылып келген алты адам "бейбаштыкка" шек саналып кармалган.
Улуттук коопсуздук комитети (УКМК) Кыргызстандын жетекчилигине кол салууну пландаган деген шек менен кармалган беш азери жаранын мекенине өткөрүп берди.
Кыргызстанда 80ден ашык адамдын өмүрү кыйылган, бийлик алмашуу менен аяктаган Апрель окуяларына 14 жыл толду.
Быйыл кышында кезектеги кырсык катталган Бишкек жылуулук борборун кайрадан кытайлык ТВЕА компаниясы жаңылайт. Бул тууралуу тиешелүү меморандум бекитилгени белгилүү болду.
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев соңку үч жылда коррупцияга каршы күрөштөн жалпы 100 миллиард сомдон ашык акча өндүрүлгөнүн билдирди.
Балыкчыда сот 12 жаштагы кызды сүзүп качып кеткен шаардык милициянын мурдагы башчысы Бектур Осмонбаевге козголгон кылмыш ишин токтотуп, өзүн убактылуу кармоочу жайдан бошотту.
Кыргызстан Орусиядагы "Росатом" корпорациясы менен атомдук электр станциясын (АЭС) куруу боюнча келишим түзүүгө белсенип жатат. Бул тууралуу энергетика министринин орун басары Таалайбек Байгазиев 25-мартта “Атомэкспо” форумунда билдирди.
Кыргызстандын Тышкы иштер министрлиги Орусияда терроризмге каршы иш-чаралар жүрүп жатканын белгилеп, зарыл иши болбогондор ал өлкөгө барбай турганы оң деп эскертти. Кыргыз диаспораларынын өкүлдөрү мекендештерди топтошуп ооз ачтыруу жана башка жамааттык иш-чараларды өткөрбөй турууга чакырып жатат.
Дагы жүктөңүз
